هاااااااااااام لكل الي رايح مركز تدريب ويومة هيبقا ازاي وكل التفاصيل هنا
هام لكل الناس اللى داخله الجيش سواء نص اول او نص تانى دى كل حاجه عايزين تعرفوها سواء هتاخدوا ايه معاكم او المخله فيها ايه او اليوم بيمشى ازاى فى مركز التدريب
ان شاء الله (سيتم إستقبال الشبـاب بمكاتـب التجنيـد والتعبئـة)
علشان تسمع السلاح بتاعك وتعرف مكان مركز التدريب
مش هتترحل فى نفس اليوم وبعد كده هتروح على الميعاد المحدد لك علشان الترحيل .
ومركز التدريب هيكون عبارة عن 45 يوم بدون اجازات هتنزل اجازة بعد ال 45 يوم
ومسموح الزيارات طبعا خلال ال45 يوم والزيارات بتكون كل يوم جمعة
فترة مركز التدريب تختلف بحسب الشهادة
الغير متعلم ثلاث سنوات جيش ٤٥ يوم مركز تدريب
المتوسط سنتين جيش ٤٠ يوم مركز تدريب
الفوق متوسط سنة ونص جيش ٣٥ يوم مركز تدريب
العليا سنة جيش ٣٠ يوم مركز تدريب
. . . ( المستلزمات الي هتحتاجها عند دخول الجيش ) . . .
فلوس تقريبا من 300 كحد ادني الي 1000 كحد اقصي ولو احتجت تاني وعارف اني اهلك هيجولك الزيارات متجبش كتير عشان السرقة وخليهم يدوك كل زيارة __بودرة رجلين __مزيل عرق __قفلين نحاس عشان المخلة والدولاب __هيسلموك فوطة هناك بس ابقى خد واحدة تانية معاك
ادوية الانفلونزا و مسكنات __معلقة __ليفة
صابون __ شامبو __ رابسو __مكن حلاقة __معجون للحلاقة __ورنيش للاحذية اسود
عطر خمس خمسات __معجون اسنان __فرشاة اسنان __شبشب __ساعة يد بتنور عشان تشوف فضلمة
ر __مشط __برفان __كريم وجه __واهم حاجه قفل ومفتاح لعدم سرقة المخلة
متعرفش اى حد معاك فلوس كام عشان السرقة و حافظ على مخلتك و حطها فى عينيك عشان هتسلمها بعد المدة بتاعتك تاني ومش هتاخد الشهادة غير لما تسلمها
وتجيب ورقة وتكتب فيها اقرب الناس ليك الي محتاج تتصل بيهم وانت فى الجيش
علشان فى فون فى الجيش كل جمعة بيتوزع عشان تتصل من هناك
وطبعا ممنوع يكون معاك الفون بتاعك بس ممكن تاخد الخط و تكون شاحنه بـ 100 جنيه ولما تروح هناك تشوف ناس اقدم منك فى الجيش وبالتاكيد هيكون معاهم فون ممكن تستلف من اي حد هناك الموبيل وتتكلم من عنده
واوعي تنسي القفل والمفتاح لعدم سرقة المخلة علشان هي هتكون عهدة عليك
والمخلة هتكون فيها كل مستلزماتك من ملابس داخلية وملابس الجيش صيفى
وشتوى وبيادة الي هي الجزمة و افارول مموه, افارول زيتي صيفي, افارول زيتي شتوي, شورت مموه, تي شيرت عسكري, تي شيرت اخضر, بيادة, كوتشي, شرابات زيتي عسكرية و كيس مخدة, ملاية, بيجامة صيفي, بيجامة شتوي, 3 بطاطين
حزام عسكري وبيجامة الخ ...
المرحلة التانية
اول يوم فى مركز التدريب
بدون تعيين يعني مفيش أكل هتاخده, هتعرف مكان الكانتين اليوم ده على طول, بس ممكن تصعبو عليهم و يدخلوكو الميس, الميس هو محل آكل الجنود
المهم اليوم بيبدأ ازاي: انت بتروح المكان الي هيقولولك عليه لما تسمع سلاحك, هتيجي المكان ده الصبح, هتستنى شوية, بس شوية كتير يعني زي ما اتعودت منهم, هيجي الاول ظابط, و الظابط رتبة رفيعة قدام الجنود, هيبتدي يدي محاضرة على الواقف الجيش عامل ازاي, و هيقولك ان اهم حاجة تلاتة: شرفك, مهماتك, فلوسك, و المهمات هي المخلة او شنطة الهدوم العسكرية بتاعتك.
هيخلص من الكلام, هيقولك روحو اشترو شنطة و يشاور على كانتين وراكم كده هيكون فيه مستلزمات هتحتاجها جوة مركز التدريب, بالذات المعالق و الاقفال,
في الاقفال بالذات اوعى تقرب من القفل الي لونه رمادي, لان ده القفل الصيني, القفل ده مفاتيحه بتفتح على بعضها, فخلي بالك و اشتري القفل الذهبي, او انزل رمسيس و اسئل عن القفل الكمبيوتر, معروف و حلو .
في عسكري هيجي يبتدي ينادي على الاسامي, و كل واحد يقول آفندم او ايوة يديله الكارنيه العسكري بتاعه, عليه تاريخ الاصدار و ينتهي في, و دي تواريخ مش كله زي بعضه, انت ممكن تكون سنة في غيرك سنتين تلاتة, المهم الكارنيه ده بتاعك و اوعى يضيع منك لحد ما يخلص جيشك, هات محفظة فيها سوستة, هتساعدك.
- بعديها بربع ساعة او نص, هيجي المندوب بتاعك, هينادي على الاسامي و يقول اسمك و يقول انت هتروح مركز التدريب الفلاني
- ربع ساعة او نص ساعة كمان و هتبتدو تشكلو طابور حسب مركز التدريب و عليه هتتشكل اول طابور الزامي في جيشك علشان تركب المركبات العسكرية "الاتوبيس
- هتركب الاتوبيس, ابقى هات معاك آكل للرحلة دي, اي سوايل او عصاير, عشان الطريق ممكن يكون طويل, حسب مركز التدريب يعني.
- هتوصل مركز التدريب, هتنزل و تتشكل طابور, المندوب هيدخل و هتدخلو وراه و تبتدو تدخلو المركز و هتقعدوا على الارض تحت المظلة
- هييجي بتاع الآمن و يقولكو "الي معاه موبايل يطلعو بالزوء, الي معاه شريحة يقول, علشان الي مخبيه هنكسر الموبايل بتاعه اودام عينه",
و ما تجبهوش معاك اصلا,
بس الي تجيبه هو شريحة خط, و تكون شاحنه بـ 100 جنيه, عشان لما تدخل جوة هتلاقي ناس مهربة موبايلات, شوية شوية هتلاقي نفسك بتقولهم انك عايز تعمل مكالمة, فامش هتحرج لان الشريحة معاك و الرصيد
- المهم عسكرية الآمن هيقولك ايه, انكو هتخشو على مكتب الامن و الاجهزة هتشوف كل حاجة معاك و هيحسسك انك مسافر
و في الاخر هتطلع مفرزة الامن دي انهم بيفتشوك بايديهم عادي جدا, يعني ما تخافش اوي, هما بس بيتكلمو كتير عشان يخضوك و تترعب, اصله اول يوم ليك في الجيش
بس خليك هادي و كويس انك قريت الكلام ده عشان تبقى انت الوحيد الي فاهم وسط الي حواليك.
- بعد ما يخلص
# شوية _ فضفضة _ وخليك _ حافظ الكلمتين داول 👇👇
الجيش عبارة عن طريقين : طريق سالك ومرصوف و طريق مكسر و مُتعِب ،
طريق سالك ومرصوف :وداه اقصد بيه يكون معاك واسطة فى مكان خدمتك أو معرفة هيريحك ويبعدك عن الطريق المكسر والمتعب
علي أولهم بقي في عسكري مرور رزل، تيجي تمشي ف الطريق السالك يقولك لو معاك واسطة تعدى ، يا عم طب ليه؟ رزالة، طب قولي سبب مقنع وانا اسمع كلامك ؟ لا اسمع الكلام من غير ما تفكر احسلك
عسكري المرور ده بقي علي الواقع بيتمثل ف اشخاص مختلفة : شويش، فرد ، ظابط ،عسكرى ، أي حد ليه سلطة عليك عموما، اللي هو شايف ان شغلته ف الحياة إنه يصعب عليك الدنيا بدون سبب، رزالة، وانت للأسف مضطر تمشي ف الطريق المكسر عشان مقدامكش غير كدا
بس اللي عسكري المرور ده ميعرفوش إنك لما تمشي ف الطريق المكسر كتير هييجي يوم ومش هتستحمل اللي بيحصلك ، ف إما هتحاول تمشي ل الطريق السالك وداه بيتمثل هتجمعلك واسطة ، أو هتشتغل معرص لعسكرى المرور هتضحى بزميلك بالبلدى كدا هتعرص عليه علشان تنزلك إجازة بدرى عن زمايلك،علشان يبقى ليك ضهر فى المكان ما انت كدا بقيت منهم ،هترتاح فى الخدمات ،وداه يشمل عساكر الامن والمتابعة وبتوع الأفراد إلى من رحم ربى طبعا
يا إما هتمسكه تديله علقة لحد ما يبقي مكسر أكتر م الطريق المكسر. وداه طريق الرجالة فى الجيش طول ما هيا قافلة فى وشك ومحطوط عليك اعرف انك صح وكفاية هتبقى مرتاح بينك وبين نفسك لأنك ولا بعت زميلك ولا عرصت عليه وفترة جيشك محدش ليه جمايل عليك دخلت راجل وطلعت منه راجل .
x